 ជាធម្មតា ឪពុកម្តាយគ្រប់រូបតែងតែប្រាថ្នា ចង់ឲ្យកូនជាទីស្រឡាញ់របស់ខ្លួនក្លាយជាមនុស្សល្អ វៃឆ្លាត ពូកែ អាចពឹងពាក់ខ្លួនឯងបានក្នុងសង្គម និងប្រាថ្នាចង់ឃើញអនាគតដ៏ស្រស់បំព្រងរបស់កូនៗ ។ ដូច្នេះ ការចិញ្ចឹមបីបាច់ថែរក្សាបុត្រធីតា សុទ្ធតែមានសភាពខុសៗគ្នា ប៉ុន្តែនេះគឺគ្រាន់តែចំណុចខ្លះៗ ដែលអាចជួយពង្រឹងស្មារតីក្នុងការថែរក្សាបុត្រធីតារបស់លោក អ្នកតែប៉ុណ្ណោះ ដូចជា ៖ ១. ធ្វើឲ្យទារកមានការភ្ញាក់ផ្អើល ៖ ពេលខ្លះភាពរីករាយរបស់ទារកអាចកើតឡើងដោយយើងគ្រាន់តែយកដៃ បក់នៅលើផ្ទៃមុខ ដៃ ឬ ពោះ ពេលនោះទារកនឹងមានអារម្មណ៍ថាមានខ្យល់ប៉ះពោះខ្លួនរបស់គេ ។ រំពេចនោះគេនឹងមានប្រតិកម្មឆ្លើយតបមកវិញដោយសារការព្រិចភ្នែក ឬការសើច ។ ២.បង្រៀនទារកឲ្យចេះចំណាំ ៖ អ្នកម្តាយអាចបង្រៀនកូនដោយការកាន់រូបភាព ដែលមានលក្ខណៈស្រដៀងគ្នា ខុសត្រង់ៗ ឬ ៣ ចំណុច ប៉ុណ្ណោះ ព្រោះវិធីនេះនឹងធ្វើឲ្យក្មេងតូចឆាប់ចំណាំ ។ ៣.ច្រៀងឲ្យក្មេងស្តាប់ ៖ ច្រៀងចម្រៀង ឬ សូត្រកំណាព្យផ្សេងៗឲ្យក្មេងស្តាប់ ។ ៤.បង្រៀនទារកឲ្យចេះដោះស្រាយបញ្ហា ៖ ទម្រេតខ្លួនក្មេងតូចនៅលើក្តារ ឬក៏លើឥដ្ឋ ហើយអនុញ្ញាតិឲ្យគេធ្វើការវារកាត់ចុះឡើងដោយខ្លួនឯង ។ វិធីនេះនឹងជួយឲ្យគេមានលទ្ធភាពរកវិធីដោះស្រាយបញ្ហាផ្សេងៗ តាមដែលគេអាចធ្វើទៅបាន ។ ៥.ប្រាប់ទារកពីមូលហេតុយ៉ាងមានប្រសិទិ្ធភាព កូនតូចស្ទើរតែទាំងអស់ភ័យខ្លាចភាពងងឹតជាទីបំផុត ដូច្នេះរាល់ពេលដែលត្រូវការបិទភ្លើង អ្នកគួរតែពន្យល់ប្រាប់មូលហេតុនេះឲ្យគេបានដឹងផង ។ ៦.បង្រៀនកូនឲ្យចេះសន្សំលុយ ៖ នៅពេលកូនតូចមានអាយុអាចស្គាល់លុយ អ្នកជាឪពុកម្តាយគួរតែបង្រៀនពួកគេឲ្យចេះសន្សំលុយ ដោយអ្នកធ្វើឲ្យកូនមើលមុនដោយការដាក់លុយចូលក្នុងប្រអប់ (កូនជូ្រក) ជាប្រចាំឲ្យគេមើល ពេលនោះកូនតូចនឹងរៀនពីអ្វី ដែលបានឃើញជារៀងរាល់ថ្ងៃជាក់ជាមិនខានឡើយ ។ ៧.ការបង្កើតជាអាល់ប៊ុមរូបថតគ្រួសារ ៖ ការបង្កើតជាអាល់ប៊ុមរូបថតគ្រួសារ ក៏អាចចាត់ទុកជារឿងសំខាន់មួយផងដែរ ព្រោះវានឹងធ្វើឲ្យកូនលោកអ្នកឆាប់មានការចងចាំ និង ស្គាល់នូវសមាជិកគ្រួសារ ឬ សាច់ញ្ញាតិ ដែលនៅជិតឆ្ងាយថែមទៀតផង ៕ ដោយ ldj-news   |
វិធីងាយៗដែលធ្វើឲ្យកូនលោកអ្នកមានភាពវ័យឆ្លាត
0
6:37 PM
6:37 PM
![របៀបបិទមិនឲ្យគេលួច Copy ឯកសារតាម USB [កម្មវិធីកុំព្យូទ័រ]](http://2.bp.blogspot.com/-HiOEo9rtwq4/UcwQ4sHeV3I/AAAAAAAAEnE/J1mvJPtbj2c/w680/NewSoftwareUSBBlock130ByAdrianDennis.png)
