យើងដឹងអ្វីខ្លះពីបុណ្យចូលឆ្នាំថ្មី?
ជារៀងរាល់ឆ្នាំ ប្រជាពលរដ្ឋខ្មែរគ្រប់រូប ទូទាំងប្រទេស
រួមទាំងបងប្អូនប្រជាពលរដ្ឋកម្ពុជាដែលរស់ នៅក្រៅប្រទេសផង
តែងតែប្រារព្ធពិធីបុណ្យចូលឆ្នាំថ្មី ជាប្រពៃណីជាតិរបស់ខ្លួន ក្នុងមនោសញ្ចេតនា សប្បាយរីករាយប្រកបដោយសាមគ្គីភាព និងកតញ្ញុតាធម៌ដ៏ជ្រាលជ្រៅក្រៃលែង។
ឆ្នាំនេះ ពិធីបុណ្យចូលឆ្នាំថ្មី ឆ្នាំ
ម្សាញ់ បញ្ចស័ក ព.ស២៥៥៧ ឆ្នាំ២០១៣ តាមដំណើរសង្ក្រាន្តបញ្ជាក់ថា
មានទេពធីតាមួយព្រះអង្គជាមគ្គនាយិកាព្រះនាម ធុង្សៈទេវី
ជាបុត្រីទី១ នៃកបិលមហាព្រហ្ម គង់នៅចតុមហារាជិកា
មកទទួលវេនបន្តពីទេវតាឆ្នាំចាស់ ទ្រង់អម្ពរក្រហម លម្អព្រះកាណ៌
(ត្រចៀក) ដោយសៀតផ្កាទទឹម អភរណទ្រង់ពាក់ កែវបទុមរាជ
ភក្សាហារទ្រង់សោយ ផ្លែឧទុម្ពរ (ផ្លែល្វា) ព្រះហស្តស្តាំទ្រង់
កងចក្រ ព្រះហស្តឆ្វេងទ្រង់ ស័ង្ខ ទ្រង់ផ្ទំបិទព្រះនេត្រលើខ្នង
គ្រុឌ (សត្វសសេះ) ជាពាហនៈ។
លោក អ៊ឹម បុរិន្ទ ជំនួយការគណៈកម្មាធិការរៀបចំបុណ្យជាតិ
អន្តរជាតិ និងជានាយកគណៈកម្មការស្រាវជ្រាវវិជ្ជាហោរាសាស្ត្រ និងប្រពៃណីទំនៀមទម្លាប់ខ្មែរ នៃក្រសួងធម្មការ និងសាសនា បានមានប្រសាសន៍ថា កម្មវិធីបុណ្យចូលឆ្នាំថ្មីប្រពៃជាតិឆ្នាំនេះមានដូចតទៅ៖
ថ្ងៃអាទិត្យ ៤កើត ខែចេត្រត្រូវនឹងថ្ងៃទី១៤ ខែមេសា គ.ស២០១៣ ជាថ្ងៃចូលឆ្នាំថ្មី វេលាម៉ោង ២និង១២នាទី រំលងអាធ្រាត្រ ជាថ្ងៃចូលឆ្នាំម្សាញ់ បញ្ចស័ក។
ថ្ងៃចន្ទ ៥កើត ខែចេត្រ ត្រូវនឹងថ្ងៃទី១៥ ខែមេសា គ.ស២០១៣ ជាវារៈវនប័ត។
ថ្ងៃអាទិត្យ ៤កើត ខែចេត្រត្រូវនឹងថ្ងៃទី១៤ ខែមេសា គ.ស២០១៣ ជាថ្ងៃចូលឆ្នាំថ្មី វេលាម៉ោង ២និង១២នាទី រំលងអាធ្រាត្រ ជាថ្ងៃចូលឆ្នាំម្សាញ់ បញ្ចស័ក។
ថ្ងៃចន្ទ ៥កើត ខែចេត្រ ត្រូវនឹងថ្ងៃទី១៥ ខែមេសា គ.ស២០១៣ ជាវារៈវនប័ត។
ថ្ងៃអង្គារ ៦កើត ខែចេត្រ ត្រូវនឹងថ្ងៃទី១៦ ខែមេសា ឆ្នាំ២០១៣ ជាវារៈឡើងស័ក គម្រប់ជាសង្ក្រាន្ត ៣ថ្ងៃដោយបរិបូរណ៍ និងចូលឆ្នាំម្សាញ់ ចុល្លសករាជ ១៣៧៥ និងមហាសករាជ ១៩៣៥ តរៀងទៅ។
សម្រាប់គ្រឿងរណ្ដាប់ទទួលទេវតា តាមទំនៀមពីបុរាណរៀងមក
ត្រូវរៀបរានទទួលទេវតា
នៅខាងមុខផ្ទះមួយសម្រាប់តាំងគ្រឿងពលីការផេ្សងៗ។
ត្រូវរៀបក្រាលសំពត់ពណ៌ស ហើយរៀបចំនូវគ្រឿងសក្ការបូជាទេវតា មានជាអាទិ បាយសី ៩ ថ្នាក់មួយគូ ស្លាធម៌មួយគូ ទឹកអប់មួយគូ( ទៀន៥ ធូប៥) លាជ៥ ផ្កា៥ ដាក់លើ ជើងពានមួយគូ ចេកនួន ចេកណាំវ៉ាជើងពានមួយគូ ផ្លែឈើ១១ មុខ រៀបដាក់ជើងពានមួយគូ ដូងឡៅមួយគូ ទឹកស្អាតពីរកែវ។ ឆ្នាំនេះគួររកផ្លែឧទុម្ពរ ដាក់ទទួលវេតាផង ព្រោះជាភក្សាហារ របស់ទេពធីតា។
ត្រូវរៀបក្រាលសំពត់ពណ៌ស ហើយរៀបចំនូវគ្រឿងសក្ការបូជាទេវតា មានជាអាទិ បាយសី ៩ ថ្នាក់មួយគូ ស្លាធម៌មួយគូ ទឹកអប់មួយគូ( ទៀន៥ ធូប៥) លាជ៥ ផ្កា៥ ដាក់លើ ជើងពានមួយគូ ចេកនួន ចេកណាំវ៉ាជើងពានមួយគូ ផ្លែឈើ១១ មុខ រៀបដាក់ជើងពានមួយគូ ដូងឡៅមួយគូ ទឹកស្អាតពីរកែវ។ ឆ្នាំនេះគួររកផ្លែឧទុម្ពរ ដាក់ទទួលវេតាផង ព្រោះជាភក្សាហារ របស់ទេពធីតា។
សម្រេចហើយ នៅវេលាម៉ោង
ដែលទេពធីតាចុះមកត្រូវជួបជុំក្រុមគ្រួសារដើម្បីថ្វាយបង្គំព្រះ
នមស្សការព្រះ រតនៈត្រ័យ សមាទានសីល ហើយតាំងចិត្ត
ឲ្យបានស្អាតបរិសុទ្ធ ជ្រះស្រឡះនូវមន្ទិលទាំងពួង
តម្កល់ចិត្តរំពឹងគិតទៅលើ ព្រះពុទ្ធ ព្រះធម៌
ព្រះសង្ឃជាទីពឹងលុះចប់ពិធីទទួលទេវតា។
លោក អ៊ឹម បូរិន្ទ បានបន្ថែមថា
ទំនាយឆ្នាំថ្មីនេះអាចមានទឹកជំនន់ ប្រហាក់ប្រហែលឆ្នាំ២០០០
ក្នុងកម្រិត ១៥/១៦ គឺមានសំណល់(១៥)។ ប៉ុន្តែទោះយ៉ាងណា
ទំនាយធ្វើស្រែសម្រាប់ឆ្នាំថ្មីនេះ មានសេស(១) ទំនាយថា
ស្រែដីទួល និងស្រែដីទំនាប បានផលដូចគ្នា
ដោយមានភ្លៀងដើមឆ្នាំច្រើន កណ្ដាលឆ្នាំល្អ ចុងឆ្នាំតិច៕ប្រភពពី សប្បាយ
អត្ថបទ៖ ម៉ៃ សុខលីម
អត្ថបទ៖ ម៉ៃ សុខលីម