ឪឡឹកមានគុណប្រយោជន៍ចំពោះសុខភាពយ៉ាងណា?
សម្រាប់
រដូវក្តៅដែលមានអាកាសធាតុក្ដៅខ្លាំងបែបនេះ
ឪឡឹកជាអាហារដ៏ល្អដែលមនុស្សជាច្រើនចូលចិត្តទទួលទានព្រោះវាមាន
រសជាតិផ្អែមត្រជាក់ និងសម្បូរទៅដោយជាតិទឹក។
សម្រាប់បច្ចុប្បន្ន
អ្នកអាចរកទិញឪឡឹកបានស្ទើរតែគ្រប់ទីកន្លែង និងគ្រប់រដូវកាល។
ប៉ុន្តែរដូវដែលឪឡឹកមានរសជាតិផ្អែមឆ្ងាញ់ជាងគេ គឺរដូវក្តៅនេះឯង។ ទន្ទឹមនឹងរសជាតិដ៏ផ្អែមត្រជាក់ និងជួយបង្កើនជាតិទឹកក្នុងរាងកាយហើយ តើមានដឹងអត់ថា វាមានអត្ថប្រយោជន៍អ្វីផ្សេងទៀតសម្រាប់សុខភាព? អញ្ចឹង សូមមើលអត្ថប្រយោជន៍របស់ឪឡឹកពី ១ ដល់ ១០ ដូចខាងក្រោមថាមានអ្វីខ្លះ៖
១- ឪឡឹកមានផ្ទុកនូវសារជាតិសំខាន់សម្រាប់ប្រឆាំងអុកស៊ីតកម្មនៅក្នុងធម្មជាតិ។
២-
ជាតិវីតាមីន A និងវីតាមីនC
នៅក្នុងផ្លែឪឡឹកជួយដល់ការរីកលូតលាស់នៃស្បែកនិងរាងកាយ
ដោយសារមានបណ្តុំនៃជាតិ បេតាខារ៉ូទីន។
៣-
សាច់ពណ៌ក្រហមរបស់ឪឡឹកជាប្រភពនៃសារជាតិ លីកូពីន
ដែលជាសារជាតិប្រឆាំងអុកស៊ីតកម្ម ធ្វើចលនាពេញរាងកាយ
រារាំងរ៉ាឌីកាល់សេរី។
ជាតិលីកូពីននេះបានធ្វើឲ្យផ្លែឈើមានពណ៌ក្រហមស្រស់
ដែលយើងអាចរកឃើញមាននៅក្នុងផ្លែឪឡឹក
និងអាចជួយកាត់បន្ធយការប្រឈមនឹងជំងឺមហារីកក្នុងក្រពេញប្រ៉ូ
ស្តាត។
៤-
វាជាការពិតដ៏អសា្ចរ្យមួយដែលថា មានតែផ្លែឪឡឹកប៉ុណ្ណោះ
ដែលផ្ទុកនូវបណ្តុំសារជាតិលីកូពីនច្រើនជាងបន្លែ
ផ្លែឈើស្រស់ដទៃទៀត។
៥- ផ្លែឪឡឹកជាផ្លែឈើ ដែលសម្បូរទៅដោយជាតិសូដ្យូមនិងប៉ូតាស្យូម ដែលមនុស្សយើងបាត់បង់តាមរយៈការបែកញើស។
៦-
លើសពីវីតាមីនទាំងពីរប្រភេទខាងលើ នៅមានវីតាមីនB
ផងដែរក្នុងផ្លែឪឡឹក ដែលជាប្រភពនៃថាមពលសម្រាប់រាងកាយ ដូចជា
វីតាមីនB6 , B1 និងជាតិម៉ាញេស្យូម។ អ្នកមានដឹងទេថា
នៅក្នុងផ្លែឪឡឹកមានជាតិទឹកជាង៩០%
និងមានកាល់ឡូរីដែលមានប្រយោជន៍ច្រើនជាងផ្លែឈើផ្សេងទៀត។
៧-
នៅពេលដែលអ្នកដាក់ឪឡឹកមួយម៉ាត់ទៅក្នុងមាត់
អ្នកនឹងមានអារម្មណ៍ផ្អែមត្រជាក់ ដោយសារមាន amino acid
ដែលរាងកាយរបស់យើងប្រើប្រាស់ដើម្បីបំលែង amino acid ផ្សេងទៀត និង
arginine
ដែលត្រូវបានប្រើប្រាស់ដើម្បីបណ្តេញសារជាតិអាម៉ូញាក់ចេញពីក្នុង
រាងកាយ។
៨-
សារធាតុប្រឆាំងអុកស៊ីតកម្ម អាចជួយកាត់បន្ថយមេរោគហឺត។
វាក៏ជួយកាត់បន្ថយបញ្ហាមហារីកពោះវៀនធំ ជំងឺហឺត ជំងឺបេះដូង
ជំងឺសន្លាក់ឆ្អឹង និងមហារីកក្រពេញប្រូស្តាតបានទៀតផង។
៩- សារជាតិប៉ូតាស្យូម និងម៉ាញេស្យូមដែលមានក្នុងផ្លែឪឡឹក ជួយឲ្យរាងកាយមនុស្សយើងចៀសផុតពីជំងឺផ្សេងៗ។
១០- ឪឡឹកជាប្រភេទផ្លែឈើដែលមិនបណ្តាលឲ្យធាត់ ហើយជួយដល់ការបង្កើនថាមពលសម្រាប់សុខភាពទៀតផង។
ឥលូវ
អ្នកបានដឹងពីផលប្រយោជន៍របស់ឪឡឹកចំពោះសុខភាពហើយ
អញ្ចឹងកុំភ្លេចញ៉ាំឪឡឹកឲ្យបានច្រើនណា
ព្រោះបច្ចុប្បន្ននេះអាកាសធាតុក្តៅណាស់
និងដើម្បីបង្កើនថាមពលសម្រាប់សុខភាពរបស់យើងផង៕សប្បាយ